Бүгүн хотугу аҕыйах ахсааннаах норуоттар күннэригэр 2-Дьөппөн олохтоох бибилэтикэтигэр долганнар тустарынан билистибит. Биһиэхэ ыалдьыттаата Тамара Николаевна Лебедева. Тамара Николаевна долган норуотун үгэстэрин, култууратын, олоҕун-дьаһаҕын, таҥаһын-сабын (оҕо, улахан дьон этэрбэһэ ынтыкаа диэн тугут тириититтэн тигиллибит бэргэһэ, оҕо кырса бэргэһэтэ, таба тыһыттан тигиллибит кыра оҕо этэрбэһэ, көстүүмнэрин, симэхтэрин, түөс киэргэллэрин, заколка, брошь , этэрбэс билэлэрэ, бастыҥаҥалары) хоту дойду тыйыс айылҕатын туһунан кэпсээн барыбытын олус интэриэһиргэттэ. Долганнар тыллара биһиги тылбытыгар чугас эбит, нууччалыы тылтан элбэх киирии тыл баар диэн биллибит. Дьүкээбиллэрин, күнү, табаны уруйдууллар-айхаллыыллар эбит. Оһуордарыгар, киэргэллэригэр тиһэллэр, иистэнньэҥ, уус норуоттар эбит. Таба тыһын кыһыаҕынан кыһан, таба быарынан сотон сымнатан баран имитэллэрин көрдүбүт. Көһө сылдьар дьон эбит, дьиэлэрин табаларынан тиэйэ сылдьалларын, күн олунньуга биирдэ тахсарын оҕолор олус сэҥээрэ иһиттилэр. “Табаны сүүрдүү”, “Күнү көрсүү” бырааһынньыктарын туһунан билистибит. Тамара Николаевнаҕа, кини оҕолоругар махтанныбыт, кинигэ бэлэх ууннубут. Тэрээһиммит түмүгэр “Хотугу агыйах ахсааннаах норуоттар литературалара” кинигэ быыстапкатын кытта билистибит.
