Бэҕэһээ,муус устар 29 күнүгэр Улуустааҕы бибилэтиэкэ иһинэн үлэлиир “Иһирэх түмсүү”литературнай музыкальнай гостинайга СР культуратын үтүөлээх үлэһитэ,Хаҥалас улууһун культуратын,бибилэтиэкэ үлэтин ветерана,Тамара Гаврильевна Свинобоева үбүлүөйдээх сылыгар аналлаах истиҥ тэрээһин ыытылынна.Тамара Гаврильевна культура эйгэтигэр 50 сыл үлэлээн кэллэ.Кини Хаҥалас улууһун устуоруйатын,култууратын үөрэтии уонна олоххо киллэрии бырайыактар ааптардара.Улууска тахсар “Хаҥыл” сурунаал редколлегиятын чилиэнэ,иллэҥ кэмигэр “Орхидея” арт- студия уруһуйдьуттар кулууптарыгар дьарыктанар.Айар үлэтигэр аналлаах “Сыралаах үлэ-сырдык дьулуурдаах олох” быыстапка тэрилиннэ.Хаҥалас улууһугар культура сайдыытыгар сүҥкэн кылааты киллэрбит Тамара Гаврильевнаны бииргэ үлэлиир биир идэлээхтэрэ,бибилэтиэкэҕэ олохторун анаабыт ветераннар,аймахтара,общественность истиҥник эҕэрдэлээтилэр,дьолу- соргуну баҕардылар
