Төрөөбүт тыл уонна сурук-бичик күнэ биһиги Сахабыт Өрөспүүбүлүкэтигэр норуоттары сомоҕолуур күн. Төрөөбүт тыллаах буоламмыт, өй-санаа сайдар, сиэр-майгы тупсар, ил-эйэ олохсуйар.
Олунньу 13 күнүгэр Хачыкаат нэһилиэгин модельнай библиотекатыгар “Ийэ тыл – омук кэскилэ“ кинигэ быыстапкатын ааҕааччыларга билсиһиннэрдибит, оскуолабыт оҕолоро ” Таптыыр сахам тылынан өрөспүүбүлүкэтээҕи акцияҕа кыттыыны ыллылар, ” Сарыал” култуура киинин үлэһиттэринээн төрөөбүт тыл уонна сурук – бичик күнүгэр сөп түбэһиннэрэн “Толкуйдаа, оонньоо, кыай” өй-толкуй оонньуутун икки хамаанданан тэрийэн ыыттыбыт. Күрэххэ нэһилиэк тэрилтэлэрин үлэһиттэрэ “Чыыбыстаан”, учууталлар уонна оскуола оҕолоро “Алыптаах дорҕоон” кыттыыны ыллылар.
Өй санаа, сахалыы остуол оонньуута, нэһилиэкпитигэр сыһыаннаах “Бу кимий?” түһүмэхтэрдээх күрэх, сэргэх сүрдээх интэриэһинэй, дьону түмэ тардар оонньуу буолла.
Күөн күрэспит кыайыылаахтарын итиитик-истиҥник эҕэрдэлиибит! Кыттааччыларбытыгар баҕарабыт саха алмааһыныы кытаанах доруобуйаны, үөрэххитигэр үрдүктэн үрдүк ситиһиилэри, төрөөбүт тылгытын таптаан, убаастаан, өссө дириҥник хасыһан үөрэтин диэн алгыс тылбытын аныыбыт!
