Муус устар 26 күнүгэр Хаҥаластааҕы кииннэммит бибилэтиэкэҕэ Бүтүн Россиятааҕы «Библионочь» акция чэрчитинэн киинэ уонна театр артыыһа, Саха АССР үтүөлээх артыыһа, Саха Республикатын народнай артыыһа, Нөмүгү нэһилиэгин уонна Хаҥалас улууһун бочуоттаах олохтооҕо Спартак Петрович Федотов төрөөбүтэ 95 сылыгар аналлаах ахтыы киэһэтэ уонна «Снайпер Саха” киинэни көрүү ыытылынна. Ахтыы киэһэҕэ «Снайпер Саха” киинэ режиссера, “Сахафильм” киинэ хампаанньатын сүрүн туруорааччы-режиссера, РФ уонна СР үтүөлээх деятелэ Никита Иннокентьевич Аржаков ыалдьыттаата. Көрсүһүү, киинэни көрүү олус истиҥник ааста. Никита Иннокентьевич киинэ туһунан санаатын, сьемка түгэннэрин, Спартак Федотов туһунан истиҥник кэпсээтэ, көрөөччүлэр киинэ туһунан санааларын эттилэр.
