Ийэ тыл уонна сурук-бичик күнүн көрсө Хаҥаластааҕы киин бибилэтиэкэ үлэһиттэригэр кыраайы үөрэтээччи Капиталина Гаврильевна Скрябина «Үрдүккэ көтүт, төрөөбүт төрүт тылым” диэн өркөн өй өрөгөйүн саха төрүт дорҕоонноругар сыһыаннаах оонньууну ыытта. Бу сырыыга саха тылыгар элбэхтик туттуллар, атын омуктарга сороххо баар, сороххо суох Ы буукубаҕа, ЫА дифтоҥҥа аналлаах оонньуу буолла. 10 түһүмэхтээх оонньуу түмүгүнэн оҕо бибилэтиэкэрэ Мария Анатольевна Прокопьева кыайыылаах таҕыста. Төрөөбүт тылы билэргэ, өйү сытыылыырга бэртээхэй оонньууну оонньоон сэргэхсийдибит, дуоһуйа сынньанныбыт.
РФ уопсай үөрэхтээһинин бочуоттаах үлэһитэ Капиталина Гаврильевна Скрябина К.Г. «Үрдүккэ көтүт, төрөөбүт төрүт тылым” диэн өркөн өй өрөгөйүн оонньууларын иккис кинигэтэ атыыга таҕыста. Уруокка, кылаас таһынааҕы үлэҕэ, дьиэ кэргэн сынньалаҥнарыгар туһаныахха сөп. Төрөөбүт тылбытын үөрэтэргэ, билэргэ дьулуһуоҕуҥ.
