Айар тыл 4 хайысхатынан баай ис-хоһоонноох, дьоһуннаах уонна туһалаах кэпсэтиилэр буоллулар. Манна эксперынан үлэлээбит ыалдьыттар түмүк тылларын маннык хайысхаларынан эттилэр:
-Уус-уран тыл (поэзия)- Андросов Г.Г.
-Уус-уран тыл (аччыгый проза)- Слепцов А.И.
-Саха аныгы литературатыгар ааҕааччы рецензията – Ноева С.Е.
-Киинэ уонна сериал сценарийын маастарыстыбата – Захаров У.Е.
Онтон литература кулууптарын уонна айар түмсүүлэрин үлэлэрин туьунан Сидоров О.Г.сырдатта.
II -с өрөспүүбүлүкэтээҕи литература кулууптарын уонна айар түмсүүлэрин форумун аччыгый прозаҕа уонна ааҕааччы рецензиятыгар күрэхтэригэр араас улуустарыттан балайда элбэх үлэ киирэн тэрийээччилэри үөртэ. Уопсайа , улуустартан аччыгый прозаҕа 33 үлэ киирдэ, ааҕааччы рецензиятыгар 14 киьи кытынна. Манна кыайыылаахтар ааттарын “Чолбон” сурунаал бас эрэдээктэрэ Г.Г.Андросов, литературнай музей дириэктэрэ Каженкин Р.Н. уонна Хаҥаластааҕы кииннэммит бибилэтиэкэ ситимин дириэктэрэ И.И.Адамова үөрүүлээх быһыыга-майгыга ааттаатылар.
Форум бары кыттыылаахтарыгар, ыалдьыттарыгар барҕа баҕа санаатын, алгыс тыллаах анабыл тылын саха народнай суруйааччыта, Хаҥалас улууһун бочуоттаах олохтооҕо П.Н.Харитонов – Ойуку видеонан тиэртэ.
Форум үлэтин түмүктэрин, кыайыылаахтар ааттарын кэлэр таһаарыыга сырдатыахпыт.
Бүгүҥҥү кэрэмэс кэскиллээх түһүлгэбит бары кыттыылаахтарыгар, саха уус-уран литературатын сайдыытыгар, харыстабылыгар үлэлии-хамныы сылдьар ыраахтан-чугастан тоҕуоруспут үтүө доҕотторбутугар – баҕарабыт уҕараабат дьулууру, энчирээбэт эрчими, чэгиэн туругу, бөҕө санааны!
Хаҥалас сириттэн күүс-уох эбинэҥҥит, билии-көрүү ылаҥҥыт айар тыл алгыстаах аартыгар эрэллээхтик үктэнэҥҥит төрөөбүт тыл төлкөтүн түстэһиэххит диэн эрэнэ хаалабыт!
