Ахсынньы 24 күнүгэр, Булгунньахтаах сэлиэнньэтигэр, ыраах Дьааҥы сириттэн, СӨ култууратын туйгуна, олоҥхоһут, төрөөбүт дойдутун фольклорун чинчийээччи, тарҕатааччы Саргылана Семеновна Слепцова – Хатан Кылааны кытта Арчы дьиэтигэр көрсүһүү дьоро киэһэтэ буолан ааста. Бу Дьааҥы улууһун киин библиотекатын , кыраайы үөрэтэр салаа:” Олоҥхо – олох оҥкула” – бырайыак чэрчитинэн, республикабыт иһинэн ыытыллар киэҥ хабааннаах бырайыак буолар.
Саргылана Семеновна- Хатан Кылаан суруйбут олонхотун“Күн Эрилиэс бухатыыр” быһа тардыыны, Дьаҥы улууһун фольклорун иһиттибит. Биһиги, көрөөччүлэр олус сэҥээрдибит, хаһан да истибэтэх мурун, хабарҕа, таҥалай ырыалара толоруннулар, киһи эрэ сэҥээриэх курдук. Элбэх ыйытыылар киирдилэр. Олохтоох библиотекаҕа, култуура киинигэр Хатан Кылаан олонхотун бэлэх туттарда. Түмүгэр һээдьэ үҥкүүтүнэн түмүктээтибит.
Маннык тэрээһиннэр өссө да элбии турдуннар, билиҥҥи уларыйа турар хабааннаах олоххо, олус улахан суолталаах тэрээһин эбит диэн сыаналаатыбыт, төрөөбүт тылбытын, сиэрбити- туоммутун тутан хааллахпытына эрэ саханы – саха дэтэ турар буоллахпыт. Саргылана Семеновнаҕа, улуус библиотекатын коллективыгар истиҥ эҕэрдэбитин тиэрдэбит. Үлэҕитигэр ситиһиини, кытаанах доруобуйаны, барҕа махталбын тиэрдэбит.
Олохтоох библиотека салайааччыта Анисия Дьяконова.
