Сааскы күн сандаарыччы тыган турдаҕына,норуот маастардарын күнүн көрсө, Дьахталлар Аан дойдутааҕы күннэригэр аналлаах “Иһирэх түмсүү”литературнай музыкальнай гостинайга “Россия чулуу дьиэ кэргэттэрин” номинациятын хаһаайыттара, тарбахтарыгар талааннаах Саха сирин уус-уран оҥоһуктарын маастара Чия Спиридоновна уонна Саха сирин норуотун маастара, Ньургун Петрович-Барылаан Уус Александровтар ыалдьыттаатылар.Ыалдьыттар улуустааҕы бибилэтиэкэ иһинэн үлэлиир хоруоҥканан тиһэр “Бисерная мозаика”айар түмсүү кыттыылаахтарын, ааҕааччылары,Боккуруоскай куорат олохтоохторун кытта истиҥник көрүстүлэр, бэйэлэрин үлэлэрин кэпсээтилэр.Ньургун Петрович кэрэ,күүстээх куолаһынан ырыа ыллаан дьиэрэтэн көрсүһэ кэлбит дьоҥҥо үөрүүнү бэлэхтээтэ.Тэрээһиҥҥэ норуот маастардарын айар быыстапкаларын таһынан “Бисернай мозаика”айар түмсүү быыстапката дьон болҕомтотун тарта.Көрсүһүү кэнниттэн А.И.Платонова ”Күлүмүрдэс бастыҥа”маастар кылааһын ыытта.Кэлбит дьон ыытыллыбыт тэрээһинтэн дуоһуйа сынньанан, астына кэпсэтэн тарҕастылар.
