Вашему вниманию представляем новый цикл публикаций “Воспоминания о библиотеке”, посвященный Году культуры в республике.
Воспоминания отличника культуры РС(Я), Почетного старейшины РС(Я) Екатерины Ивановны Романовой (на якутском языке)
Мин Уулаах Аан библиотекатыгар 1984 с. бэс ыйын 6 күнүттэн үлэлии киирбитим. Оскуолаҕа үөрэх дьыла бүтээтин кытта, Покровскайга кииннэммит библиотекаҕа улэҕэ киирээри бардым. Аан таһыгар турдахпына Мария Мисаиловна тахсан, олус истиҥник кэпсэттэ. Методистер 3, 4 буолан, кыра хоско олороллор этэ. Ону ааһан, киэн уһун остуоллаах кабинетка клирбитим, утары билбэт дьахтарым олороро. Дорооболоһоот, тоҕо кэлбиппин эттим. “Бу үлэни учугэйдик өйдөөбөппүн” – диэн эппиппэр, кини “Истиэнэҕэ ыйанан турар суругу көр” – диэтэ. Онно “Читатели. Посещаемость.Книговыдача” диэн суруллубуттар. Ити курдук, дириэктэр Марфа Ивановна Пермяковалыын билистибит. Итиник олус өйдөнүмтүө гына, дьыалабайдык быһааран биэрдэ.
Мин библиотекам эргэ оскуола икки хоһугар баара. Сайын кыратык өрөмүөннээн оҥордум. Онтон киһи кута – сурэ тохтуур библиотеката буолла. Дэриэбинэ дьонун , оҕолору киллэрэн туран, барыларын ааҕааччы оҥорорго туруннум.
Методистарынан Якушева Евдокия Федотовна, Ильина Галина Егоровна, Стручкова Мария Мисаиловна, Наумова Альбина Моисеевна таһаарыылаахтык үлэлээбиттэрэ.Филиалларга мэлдьи көмөлөһөллөр этэ. Кинилэр сотору- сотору араас конкурстары, библиотекалар икки ардыларыгар куоталаһыылары тэрийэн, үлэбитин көҕүлүүллэр этэ.Онно мэлдьи 1, 2, 3 миэстэлэри ылар этим. Саамай күүскэ дьиэ кэргэнинэн ааҕыыга (семейное чтение) үлэлээбитим. Оҕолор нөнүө дьиэ кэргэни барыларын аахтарарым. Ону дьон билиҥҥээҥҥэ диэри саныыллар.
Фермаҕа, отчуттарга уголоктары оҥоруу, оскуолаҕа библиотечнай уруоктары ыытыы курдук үлэлэри мэлдьи оҥорорум . Кулуубу кытта бииргэ үлэлиир этим. Айна Константиновна Анастатовалыын олус да тапсан
үлэлээбиппит.
1989 сыллаахха үлэ ветерана, Отличник культуры РС(Я) буолбугум. 2024 сыллахха «Почетный старейшина РС(Я)»
ааты иҥэрбиттэрэ.
Екатерина Ивановна Романова
