Открывая книгу, открываешь мир!

  • Пн-Сб: с 10:00 до 19:00
  • Перерыв с 13:00 до 14:00
  • Выходной: воскресенье

МБУК «ХАНГАЛАССКАЯ МЦБС»

Муниципальное бюджетное учреждение культуры
«Хангаласская межпоселенческая централизованная библиотечная система»
муниципального района «Хангаласский улус» РС (Якутия)

Өктөмҥө киниигэ сүрэхтэннэ

Россия Суруналыыстарын сойууһун чилиэнэ, Саха Өрөспүүбүлүкэтин суруйааччыларын сойууһун чилиэнэ, биэс кинигэ ааптара, педагогическай үлэ бэтэрээнэ Николай Степанович Егоров – Ньукулай Түөлбээкэп «Сүрэхтэн тахсар иэйиилэр», икки тылынан тахсыбыт кинигэтин сүрэхтэниитинэн ис сүрэхпититтэн эҕэрдэлиибит.
Николай Степанович 1947 сыллаахха Үөһээ – Бүлүү улууһун Хоро нэһилиэгэр төрөөбүтэ. 1975 сыллаахха Нам педучилищетын бүтэрэн Үөһээ Бүлүү Кэнтигэр, Уус – Алдан Найахатыгар, Өнөрүгэр уруһуй, черчение, үлэ уруоктарын учууталынан пенсияҕа тахсыар диэри үлэлээбитэ. Николай Степановичолохсуйуоҕуттан библиотека биир бастыҥ ааҕааччыта, сүбэһитэ. Библиотека иһинэн үлэлиир «Үнүгэс» түмсүү салайааччыта.
Николай Степанович «Сүрэхтэн тахсар иэйиилэр» диэн ааттаах икки тылынан тахсыбыт эмиэ ураты оҥоһуулаах дьоһун кинигэни бэлэх уунна. Бу кинигэтин Николай Степанович тапталлаах кэргэнигэр, олоҕун аргыһыгар Августина Петровнаҕа анаан суруйбут.
Кинигэ “Махтал буоллун ийэлэргэ”диэн автор киирии тылынан саҕаланар. Маннп эсселар, хоһооннор киирбиттэр. Николай Степанович куруук сүрэҕэр-быарыгар илдьэ , өйдүү-саныы сылдьар Ийэтин туһунан кэрэ өйдөбүллэртэн кинигэтин саҕалаабыта киһини долгутар. Онтон саас-сааһынан кини оҕо сааһа, доҕотторун, учууталларын, биир дойдулаахтарын туһунан эсселэр бэрт чэпчэкитик,тиийимтиэ тылынан сулуллубуттар.
Иккис баһыгар Николай Степанович хомоҕой хоһоонноро киирбиттэр. Манна элбэх анабыл хоһооннор бааллар, ийэтигэр , кэргэнигэр Августина Петровнаҕа, оҕо сааһын доҕотторугар, сиэннэригэр анаабыт хоһоонноро киирбиттэр. Мин кинигэ сааьытын бэлиэтиэхпин баҕарабын. Кинигэҕэ киирбит материаллар өр толкуйдаан, кичэллээхтик сааһыламмыттара автор баҕа санаатын, тугу этиэн баҕарбытын үчүгэйдик арыйар. Холобур, хоһооннор балаьалара «Баҕа санаа” диэн хоһоонунан арыллар. Дьэ, онтон бииртэн биир толкуйдатар ис хоһоонноох хоһооннор тахсан иьэллэр. Кинигэни толору аахтахха Николай Степанович олоҕо, оҕо сааһа, баҕа санаата арыллан иһэргэ дылы буолар.
Кинигэ биир саамай уратыта — икки тылынан тахсыбыта буолар. Лариса Петровна сүһүөҕү, рифманы, дорҕоон дьүөрэлэһиитин ааптар этэр ис санаатын кытта дьүөрэлии тутан, Николай Степанович тэттик хоһооннорун, эсселэрин хомоҕой тылынан олус бэркэ тылбаастаабытын киһи сөҕө ааҕар. Лариса Петровна — 4 кинигэ автора, бэйиэт тылбаасчыт, «Саха өрөспүүбүлүкэтин үөрэҕириитин туйгуна», «Өктөм нэһилиэгин социальнай – экономическай сайдыытыгар кылаатын иһин» анал аат хаһаайката. Ону таһынан Лариса Петровна биэс оҕо күн күбэй ийэтэ, икки оҕо эйэҕэс эбээтэ.
«Сүрэхтэн тахсар иэйиилэр» кинигэ 100 экземплярынан “Алаас“ типографиятыгар бэчээттэнэн таҕыста. Кинигэ үчүгэй хаачыстыбалаах, сиэдэрэй көстүүлээх буолан, ааҕааччы интириэьин тардыа диэн эрэнэбин

Добавить комментарий

Ваш адрес email не будет опубликован. Обязательные поля помечены *