Улуустааҕы киин бибилэтиэкэҕэ “Фиалка” маҕаһыын дириэктэрэ Константинов Анатолий Анатольевич нэһилиэгин туһунан “Төрөөбүт дойдубут – Кыһыл Үрүйэ” диэн саҥа кинигэни бэлэх уунна. Кыһыл Үрүйэ сирэ кыра, чөкө буолан нэһилиэгин дьоно төрөөбүт дойдуларын туһугар күүскэ түмсэллэр эбит. Бу кинигэ тахсыытыгар Антипина Галина Гаврильевна, Артамонова Людмила Дмитриевна, Давыдова Анастасия Петровна, Константинов Анатолий Анатольевич, Лазарева Зинаида Мартыновна, Платонова Ригаретта Романовна, редактортар Баишева Варвара Егоровна, Уйгуров Иван Афанасьевич үлэлээбиттэр. Кинигэни Галактионова Туйаара Николаевна таҥан оҥорбут.
Кинигэ архыып докумуоннарыгар уонна дириҥ ис хоһоонноох араас кэм учуонайдарын, суруйааччыларын, нэһилиэк олохтоохторун ахтыыларыгар олоҕуран суруллубут. Нэһилиэктэрин, төрөөбүт сирдэрин интэриэһиргээччилэргэ, ааҕааччы киэҥ эйгэтигэр ананар.
