Библиотекабыт фондата хаҥаан иһэр. Улуустааҕы киин библиотекаҕа СР суруйааччыларын Сойууһун чилиэнэ, «Өлүөнэ долгуннара” литературнай түмсүү чилиэнэ Татьяна Михайловна Петрова – Мойуу Кыыһа хомуйан таһаарбыт 3 кинигэтин илии баттаан бэлэх уунна.
«Орджоникидзевскай” сопхуос 50 сыла” диэн кинигэ 2019 сыллаахха тахсыбыт. Хаҥалас улууһун «Орджоникидзевскай” сопхуос үлэтин-хамнаһын сырдатар. Сопхуоска үлэлээбит дьон ахтыылара, хаартыскалара киирдилэр, Тиит Арыы, Тумул, Сиинэ, Үөдэй, Кытыл Дьура, Иһит отделениелара туспа наарданан суруллубуттар.
«1 Дьөппөн орто оскуолата – 81” диэн кинигэҕэ 1 Дьөппөн орто оскуолатын 1981 сыллаахха бүтэрбит оҕолор ахтыылара киирдэ. Сэбиэскэй олох, октябренок, пионер, космомол кэрдииһин барытын ааспыт оҕолор үөрэммит кэмнэрин, оскуола олоҕун күүстээхтик иэйэн ахталлар.
“С любовью в сердце”. Книга о жизни и деятельности отличника народного просвещения РСФСР и Почетного гражданина города Покровск Галины Николаевны Дьячковской. В книгу включены воспоминания одноклассников, коллег, фотографии из личного архива Галины Николаевны.
Кинигэлэри бэлэх биэрбит, хомуйан таһаарбыт авторга Татьяна Михайловнаҕа махталбытын этэбит. Өссө да айа-тута, дьону, ааҕааччылары үөрдэ сылдьаргар баҕарабыт.
