А.М. Сидорова аатынан “Ситим” КК киинигэр 2-Дьөппөнтөн төрүттээх биир дойдулаахпыт, Россия худуоһунньуктарын айар сойууһун чилиэнэ, Саха сиригэр соҕотох баталист худуоһунньук Арассыыйаҕа Аҕа дойдуну, Саха сиригэр Ийэ дойдуну көмүскээччи, Хаҥалас улууһугар Кыайыы уонна Эйэ сылларын арыйар бэлиэ күҥҥэ “Холустаҕа история”диэн быыстапката турда. Хартыыналары дьон сөҕө-махтана көрдө.
2- Дьөппөн модельнай библиотекатыгар Улуу кыайыы историятын үйэтитэр-үөрэтэр сыаллаах “Кыайыы суолунан” бырайыак чэрчитинэн библиотечнай уруоктар, экскурсиялар ыытылыннылар. “Уруйдан Улуу Кыайыы” кинигэ быыстапкатыттан үөрэнээччилэр “Герой оҕолор” диэн кинигэҕэ Аҕа дойдуу Улуу сэриитигэр олохторун толук уурбут, Сэбиэскэй Союз Геройун аатын ылбыт оҕолор тустарынан билистилэр. Уон түөрт саастаах Валя Котик курдук пионер оҕолор төрөөбүт дойдуларын өстөөх саба түһүүтүттэн көмүскүүргэ хорсун быһыыларын, улахан эппиэттээх үлэни толорбуттарын аахтылар. Салгыы…
Аҕа дойду Улуу сэриитигэр өрөгөйдөөх Кыайыы 80 сылын көрсө “Кыайыы Знамята” өрөспүүбүлүкэтээҕи эстафета биһиги нэһилиэкпитигэр Күөрдэмҥэ
Олунньу 10 күнүгэр Хачыкаат нэһилиэгиттэн кэлбитэ. “Кыайыы Знамятын” “Бары бииргэ кыайыыта” диэн девизтээх Бырааттыы Николаевтар ааттарынан 2-Дьөппөн орто оскуолатыгар көхтөөхтүк дойдубут өрөгөй ырыаларынан көрүстүбүт. Историяҕа суруллан-тиһиллэн хаалар, өйгө хаалар умнуллубат бэлиэ түгэни тоҕуоруһа көрдүбүт. Сэргэх тэрээһин түмүктүүр чааһыгар Кыайыы Знамятын былааҕын салгыы аттынааҕы Тиит-Эбэ нэһилиэгэр атаардыбыт.
