Бэҕэһээ улуустааҕы бибилэтиэкэ иһинэн үлэлиир “Иһирэх түмсүү”литературнай музыкальнай гостинайга “Уйулҕа кылын таарыйан”диэн Саха сирин суруйааччыларын чилиэнэ,СР үөрэхтээһиҥҥэ уонна культураҕа туйгуна Гоголев Василий Иннокентьевич- Уйулҕаны кытта истиҥ иһирэх көрсүһүү буолла.Тэрээһиҥҥэ суруйааччы бэйэтин айар үлэтин туһунан кэпсээтэ.Василий Иннокентьевич бары өттүнэн дэгиттэр талааннаах.Ол курдук мас ууһа,сценарист,ырыа суруйааччы,үҥкүүһүт,суруйааччы.Кини “Ийэккэм” хоһоонугар ырыата эстрадатын эдэр чаҕылхай сулуһа,Константин Степанов толоруутугар “Үрдэл-14 “ырыа күрэҕин чыпчаал кыайыылааҕа буолбута.90- сылларга ”Суор тиһэх кыланыыта” саха бастакы детектив киинэтэ дьон дьүүлүгэр тахсыбыта.”Туоһахта уонна Лэкиэс” 2023, “Хаҥаластан хааннаахтар,Тириилээхтэр төрүттээхтэр.Уһун Дьуона” 2024 сыллаахха “Айар” кинигэ кыһатын бастыҥ айымньыларынан ааттаммыттара. Василий Иннокентьевич идэтинэн учуутал. Билигин бара турар быстах байыаннай дьайыыларга саха уолаттара,боотурдар дронтан көмүскэнэр ботуруоннарын оҥорон үгүс уолаттар тыыннарын өллөйдөөбүт буолуохтаах.Тэрээһиҥҥэ саха народнай суруйааччыта П.Харитонов-Ойуку,саха суруйааччыта И.Осипов-Ойуур уйбаан, кыраайы үөрэтээччилэр,ааҕааччылар,общественность кыттыыны ыллылар.
