Открывая книгу, открываешь мир!

  • Пн-Сб: с 10:00 до 19:00
  • Перерыв с 13:00 до 14:00
  • Выходной: воскресенье

МБУК «ХАНГАЛАССКАЯ МЦБС»

Муниципальное бюджетное учреждение культуры
«Хангаласская межпоселенческая централизованная библиотечная система»
муниципального района «Хангаласский улус» РС (Якутия)

«Хоһоон иэйэр эйгэтэ, санаа сайар түгэнэ» истиҥ көрсүһүү

Олунньу 17 күнүгэр Хачыкаат нэһилиэгэр Саха народнай поэта, Саха сирин суруйааччыларын сойууһун бэрэссэдээтэлэ, Россия суруйааччыларын Сойууһун чилиэнэ Наталья Ивановна Харлампьеваны кытта «Хоһоон иэйэр эйгэтэ, санаа сайар түгэнэ» истиҥ көрсүһүү буолла. Саха норуотун кутун туппут, биһирэбилин ылбыт поэты кытта Владимиров Афанасий Семёнович, «Хаҥалас»түмсүү салайааччыта, Андросов Гаврил Гаврильевич, поэт, «Чолбон» сурунаал редактора ыалдьыттаатылар. Көрсүһүү сахалыы эҕэрдэ үҥкүүнэн саҕаланна. Хачыкаат орто оскуолатын үөрэнээччилэрэ А.Е.Кулаковскай Өксөкүлээх Өлөксөй 1910 сыллаахха Хачыкаатка ирбэт тоҥ муустаах Булуус биэрэгэр Сэмэн Барааскапка учууталлыы олорон суруйбут «Ойуун түүлэ» поэматтан быһа тардыыны аахтылар. А.С.Владимиров эҕэрдэ тылы эттэ. Наталья Ивановна кэпсээбит кэпсээннэрэ, үгүс элбэх аахпыт хоһоонноро ааҕааччылар, көрөөччүлэр ытыс таһыныыларынан доҕуһуолланна. Итии истиҥ сэһэргэһии, ыйытыы- эппиэт тэрилиннэ. Андросов Г.Г. тыл эттэ, бэйэтин хоһооннорун олус дорҕоонноохтук, иэйиилээхтик аахта. «Дьүөгэ» вокальнай ансамбль олохтоох автор Альбина Софроняева тылыгар уонна мелодиятыгар «Хачыкаатым сыһыытын таптыыбын» ырыаны толордо. Түмүккэ нэһилиэк баһылыга И.В. Оболкина ыалдьыттарга махтал тылы анаата уонна бэлэхтэри туттарда. Наталья Ивановна кэнники тахсыбыт кинигэлэрэ автографтаах атыыланна. Уопсай хаартыскаҕа түһэн тэрээһиҥҥэ кыттыбыттар бары үөрэн — көтөн тарҕастылар. Көрсүһүү чэрчитинэн «Наталья Харлампьева алгыстаах аартыктара» кинигэ быыстапката тэрилиннэ. Тэрээһини Архипова С.В. нэһилиэк библиотекара ыытта

Добавить комментарий

Ваш адрес email не будет опубликован. Обязательные поля помечены *