Саха АССР тэриллибитэ 100 сылынгар аналлаах Павел Николаевич Харитонов – Ойуку “Хоболоох суол “ роман – эпопеятыгар аа5ааччы конференцията .
2022 сыл Муус устар 22 күнүгэр улуустааҕы киин библиотека конференц- саалатыгар Саха республиката тэриллибитэ 100 сылыгар аналлаах биһиги ытыктыыр суруйааччыбыт, Павел Николаевич Харитонов – Ойуку “Хоболоох суол “роман – эпопеятыгар ааҕааччы конференцията ыытылынна.
Бу роман саха норуотун историятын , Саха сиригэр дьаамсыктар олохторун, бастакы аан дойдутааҕы сэриини, 1917 сыллаах революцияны, гражданскай сэриини, холбоһуктааһыны, конфедералистар хамсааһыннарын далааһыннаахтык, кырдьыктаахтык ойуулаан көрдөрөр.
Бастаан ыалдьыттар болҕомтоҕтолорун “Соргу көтөҕүү” диэн
Ойуку “Хоболоох суол» роман – эпопеятыттан Покровскай эр дьоно быһа тардан аахпыттарын видеоролига тарта.
Э5эрдэ тылы «Булгунньахтаах нэһилиэгэ” МТ нэһилиэгин баһылыга Айталина Ивановна Васильева эттэ.
Бүгүҥҥү ааҕааччы конференциятыгар маннык дакылааттар ааҕылыннылар:
– “Широких Алексей Дмитриевич”- кыраайы үөрэтээччи, үлэ бэтэрээнэ, Төхтүр нэһилиэгин Бочуоттаах олохтооҕо, Ильин Николай Семенович.
– “Ырыкыныап суруксут” – педагогическай үлэ ветерана, Павлова Александра Алексеевна.
– “Наумов- Назаров Афанасий Алексеевич” – улуус депутата, СР культуратын туйгуна, Лариса Степановна Бочоева.
– “Булгунняхтаах нэһилиэгин “Айар кытыл” литературнай түмсүү аһаҕас суруга” – библиотекарь Дьяконова Анисия Алексеевна
Маны таһынан роман ис хоһоонун ырыттылар уонна баҕа санааларын эттилэр:
– 1 Малдьаҕар ветераннарын сэбиэтин бэрэссэдээтэлэ Вера Ивановна Алексеева.
– Саха АССР Сирин норуотунай комиссара Наумов-Назаров А.А. хос сиэнэ, Наумов Николай Александрович.
– Г.В. Ксенофонтов аатынан музей үлэһитэ Тимофеева Наталья Гаврильевна.
– Россия суруналыыстарын союһун чилиэнэ, үлэ ветерана Скрябин Ермолай Еремеевич.
– Улуустааҕы ветераннар сэбиэттэрин бэрэсэдээтэлэ Аргунов Данил Семенович
– 2022 сыл Россия Президенын гранын кыайыылааҕа Харитонова Л. В., СӨ культуратын туйгуна.
Тумук тылы Павел Николаевич Харитонов – Ойуку эттэ уонна биһиги историябытыгар , олохпутугар-дьаһахпытыгар буолбут уларыйыы кэмнэрин туһунан бэйэтин көрүүтүн сырдатта, дьонугар-сэргэтигэр сүбэлэрин тиэртэ.
Т.Свинобоева.
РЕЗОЛЮЦИЯ
П.Н. Харитонов – Ойуку “Хоболоох суол” романынан ааҕааччы конференцията, Саха АССР төруттэммитэ 100 сылыгар уонна Хаҥалас улууһугар историческай память сылларыгар ананар.
Ыытааччы – Улуустааҕы кииннэммит библиотека
Кыттыыны ыллылар – Хаҥалас улууһун нэһилиэктэрин бэрэстэбитэллэрэ.
Тыл этээччилэри, докладтары истэн, сүбэлэһэн баран, ааҕааччы конференцията бэлиэтиир :
- Конференция ис хоһоонунан, историческай хабаанынан аныгы бириэмэ ирдэбилигэр толору эппиэттиир.
- Республикабыт 100 сааһын бэлиэтиирбитигэр Павел Николаевич Харитонов -Ойуку кинигэтин чэрчитинэн кэпсэтии историческай өрүтэ элбэх ыйытыыга эппиэттиир, бириэмэтэ кэлэн аһаҕастык кэпсэтии боппуруоһа саҥатык көтөҕүллэн үөрэтиллэр.
Конференция уурар:
1. П.Н. Харитонов – Ойуку “Хоболоох суол” кинигэтигэр олоҕуран биһиги историябытын дьиҥ чахтытын үөрэтии, үүнэр көлүөнэҕэ тиэрдии.
2. Норуотунай суруйааччы, талааннаах поэт уонна прозаик Павел Николаевич Харитонов – Ойуку аатын Покровскай куорат улуустааҕы киин библиотекатыгар аатын иҥэрэргэ.
Аһаҕас сурук.
Биһиги биир дойдулаахпыт, сүдү киһибит Павел Николаевич Харитонов- Ойуку Тойон- Арыыга Бөтүкэт кырдалыгар, буор сыбахтаах балаҕан дьиэлээх тииммэт- түгэммэт колхуостаах дьиэ кэргэнигэр, бэс ыйын 22 күнүгэр 1941 с. төрөөбүтэ. Кини кимтэн да тирэммэккэ бэйэтин мындыр өйүнэн, сыралаһан үөрэнэн, үлэлээн олоҕор элбэҕи ситиспитэ. Кини үлэлээбит үлэтэ барыта дойдута чэчирии сайдарыгар олук буолар. Эдэр ыччат өй- санаа өттүнэн кини айымньыларыттан элбэҕи сомсон ылан туһанар кыахтаах. “Хоболоох суол» ааспыт олохпут кэрэһитэ, «Олох модьоҕото” сэбиэскэй кэмҥэ дьон олоҕу хайдах ылынара, биллиилээх историк Егор Алексеев, олорбут олоҕун дириҥник ырытан суруйбут “Андаҕайыы” диэн кинигэтэ, “Олуктар” ааспыт үйэ умнуллан эрэр түгэннэрин сөргүтүүтэ, саха норуотун бастакы президеныгар анаабыт этиилэрэ уонна да атын очеркалара, кэпсээннэрэ, хоһоонноро норуот суруйааччыта буолуон буолбутун бигэргэтэр. Кини суруйуулара дириҥ ис хоһоонноохтор, улахан суолталаахтар. Биһиги П.Н. Харитонов- Ойукунан киэҥ туттабыт. Кини киһи быһыытынан сэмэйэ, холкута, хас биирдии киһиэхэ болҕомтолоох сыһыана, истиҥ санааны, убаастабылы үөскэтэр.
Биһиги, Булгунньахтаах сэл. олохтоох библиотека иһинэн үлэлиир “Айар кытыл” литературнай түмсүү, Покровскай куорат кииннэммит библиотекатыгар Павел Николаевич аатын иҥэрэргитин олус биһирии иһиттибит уонна бары илиибитин өрө уунан өйүүбүт. Бу кэскиллээх этиигит олоххо киирэригэр олус диэн баҕарабыт.
Эҕэрдэни кытары литературнай түмсүү «Айар кытыл».
Муус устар 22 күнэ, 2022с.
