Бүгүн бырааттыы Николаевтар ааттарынан 2-Дьөппөн орто оскуолатыгар, Саха Өрөспүүбүлүкэтигэр Култуура сылын чэрчитинэн, «Театр Боотура» диэн документальнай киинэни олус сэргии көрдүбүт. Туруорааччы-режиссер, сценарист Мила Кудряшова. Оҕолор театр дьикти эйгэтин кытта билистилэр. Алгыстан саҕалаан, гримерка, декорация, уот-күөс, сыана, репетиция, бэйэ-бэйэни чувствуйдааһын, хамаанда үлэтэ, бэлэмнэнии чаҕылхайдык ойууланна. Биһиги киэн туттар артыыстарбыт Александр Емельянов, Екатерина Тайшина олоҥхону туруоруу хайдах курдук сүҥкэн үлэттэн тахсыбытын, 3 төгүл “Кыһыл көмүс” маасканы ылбыттарын киинэ нөҥүө тириэртилэр, театр уонна киинэ күүстээх эйгэтин арыйдылар. Бу киинэ уратыта диэн сыана кэннинээҕи дьиҥнээх олоҕу, күннээҕи түбүктэри көрдөрүү буолар. Биир бэйэм олус чугастык ылынным, киинэни сөҕө-махтана көрдүм.
