Алтынньы 5 күнүгэр улуустааҕы библиотека саалатыгар «Сүрэхпинэн көрөбүн. Саха ырыата” диэн Юрий Платонов аатынан Саха Республикатын Эстрада судаарыстыбаннай театрынтифлоконцера буолан ааста. Бу кэнсиэр уратыта диэн харах сабар мааскатын кэтэн олорон, кулгааххынан, сүрэххинэн-быаргынан истэр концерт. Тулаҕар туох буола турарын көрбөккө эрээри, уус-уран ааҕыы, ырыа уонна музыка, сыт уонна тыас-уус, таарыйыы нөҥүө дьайыы буолар. Концерка кыттыыны ыллылар: СР үтүөлээх артыыстара Анастасия Готовцева, Павел Семенов, Тамара Попова, Клавдия, Герман Хатылаевтар, Альбина Дегтяерва, эдэр ырыаһыт Юрислав Гольдеров. Киһи уйулҕатын хамсатар, күннээҕи түбүктэн тэйитэр, ураты турукка киллэрэр тифлоконцеры сэргээн истэн, музыкаттан дуоһуйан тарҕастыбыт. Концертка кэлбит дьон чэпчээн, үөрэн, соһуйан, ытаан араас иэйиигэ куустаран ыллыбыт диэн санааларын үллэстэллэр.
