Кэнники сылларга республикабытыгар библиотекалар быһаччы көҕүлээһиннэринэн нэһилиэктэр бэйэлэрин устуоруйаларын үөрэтэн, сурукка тиһэн, кинигэ таһаарар улахан үлэни тиһиктээхтик ыыталлар.Бүгүн улуустааҕы бибилэтиэкэҕэ “Синск.Хангаласский улус” диэн нэһилиэгин курдук ааттаах кинигэни кыраайы үөрэтээччи Дьячкова Юлия Ефимовна хомуйан уонна тиһэн таһаартарбыт кинигэтин улуустааҕы бибилэтиэкэҕэ сүрэхтээтилэр. Кинигэ Сиинэ нэһилиэгин түҥ былыргытыттан билиҥҥитигэр диэри ырытыллан оҥоһуллубут. Киһи кэрэхсиирэ, урут дьон олоро сылдьыбыт,билигин симэлийбит дэриэбинэлэр, дойду аата-суола топонимикатыгар тиийэ ырытыллан дьон-сэргэ билиитигэр таҕыста.
Аҕыйах хонуктааҕыта Хаҥалас улуустааҕы бибилэтиэкэ дьиэтин иһинэн үлэлиир кыраайы үөрэтээччилэр кулууптара аһыллыбыта. Кыраайы үөрэтэр кулууп үлэтин Сиинэ нэҺилиэгин туһунан кинигэ тула кэпсээтиттэн-ырытыыттан саҕалаата. Кинигэ биһирэмигэр Саха народнай суруйааччыта,П.Н.Харитонов, кыраайы үөрэтээччи. педагогическай үлэ ветерена, Федорова Р.В.,”Хаҥалас”хаһыат үлэһитэ Аммосова Л.Д., Хаҥалас улууһун старейшиналарын бэрэссэдээтэлэ, педагогическай үлэ ветерана, Семенов Н.С. уод.а кыттыыны ыллылар. Кэлбит дьон Юлия Ефимовнаҕа таһаарыылаах үлэни баҕардылар.
