Муус устар 19 күнүгэр Улахан Аан олохтоох бибилэтиэкэтигэр Хаҥалас улууһун инбэлииттэрин обществота “Библионочь-2024” акцияҕа кыттыһан, “Өркөн өй” күрэскэ кытынна. Төхтүртэн, Өктөмтөн, Уулаах-Аантан, Покровскайтан, Мохсоҕоллоохтон, Булгунньахтаахтан уонна Улахан-Аантан холбоьон уопсайа 5 хамаанда күрэхтэстэ. Оонньуубут 4 түһүмэхтээх буолла. Бастакы түһүмэх “География”, иккис “Кыыл-сүөл, хамсыыр-харамай”, үһүс “Араас боппуруостар” уонна төрдүс “Культура”. Кыттааччылар “География” түһүмэххэ ыарырҕаттылар. Бастакы миэстэни “Ньургуһуннар”, иккис миэстэни “Кэрэлэр”, үһүс миэстэни “Сандал саас” хамаандалар ыллылар уонна грамотанан наҕараадаланнылар. “Сомоҕо” уонна “Дьулуур” хамаандалар туоһу сурук туттулар. Билбэтэхтэрин билэн, сорох эппиэттэртэн соһуйан, оонньуу ыыппыппытыгар махтанан бардылар.
