Бу күн 2013 сылтан бэлиэтэнэр. Эһиги болҕомтоҕутугар Нам улууһун “Отуу уота” литературнай түмсүү хоһоонньута, биһиги литературнай бэстибээлбит кыттыылааҕа Прасковья Байанаева хоһоонун таһаарабыт
Өлүөнэ эбэбит
Сайдыы сэргэх эйгэтинэн
Саргыланар Сахам сирин
Угуттуугун, ньүөлсүтэҕин,
Умсулҕаннаах Өлүөнэбит!
Уйулҕабыт ундаатыгар
Уйаҕастык өтөн киирэр
Улууканнаах тапталбытын
Уруй тутан хоһуйабыт!
Туруук хайа очуостарыҥ,
Уйгу-быйаҥ хочолоруҥ,
Тымыр-сыдьаан салааларыҥ –
Умсугутар кэрэ көстүү!
Үйэлэри уҥуордааҥҥын
Үрүлүччү уста турууй,
Үс саханы саха дэппит
Үтүөкэннээх Эбэккэбит!
Прасковья Байанаева, Нам, 2019
