СР Бастакы Президенэ М. Е. Николаев санааларын, сурукка тиспит толкуйдарын норуокка тириэрдии
Сэтинньи 13 күнүгэр Чкалов сэлиэнньэтин култуура уонна спорт киинигэр Саха Өрөспүүбүлүкэтин Бастакы Президенэ М. Е. Николаев төрөөбүт күнүгэр аналлаах тэрээһин буолан ааста. Тэрээһини В. Григорьев тылыгар, А. Егоров мелодиятыгар туруоруллубут “Махтал ырыанан” саҕаланна. Тэрээһин бастакы чааһыгар “М. Е. Николаев олоҕун олуктара, үрдүк чыпчааллара” уонна “Билиинэн кыайыыга!” Бастакы Президент анал стипендиятын туһунан олус үчүгэйдик кэпсээтэ М. Е. Николаевтыын бииргэ алтыспыт, үлэлээбит, Бастакы Президент архив-библиотекатын өр кэмҥэ салайбыт, Бастакы Президент анал стипендиятын лауреата Н. П. Капитонова. Тэрээһин 2 чааһа. СР Президенэ Михаил Ефимович Николаев санааларын, сурукка тиспит толкуйдарын билсиһэн ааҕыыны Чкалов дэриэбинэтигэр 2024 сылтан саҕалаабыппыт.
Быйылгы дьылга М. Е. Николаев икки кинигэтин кэрчиктээн СР Бастакы Президенин санааларын, толкуйдарын дьоҥҥо-сэргэҕэ тириэрдээри Чкалов дэриэбинэтин дуоһунастаах үлэһиттэрин, тэрилтэ салайааччыларын, саха төрүт дьарыгын ыһыктыбакка олохторун укулаатын тэринэн олорор дьону түмэн оҕолору, эдэр дьону кытта бииргэ ааҕан иһитиннэрдибит. Былырыын аахпыппытын чиҥэтэн М. Е. Николаев “Көҥүл туһугар, дьонум-сэргэм туһугар” уонна эбии, “Саха Республиката XXI үйэ бастакы чиэппэригэр сайдыытын суола” кинигэлэри аахтардыбыт.
“Читаем все” проект акциятыгар кыттыһан “СР Бастакы Президенэ Михаил Ефимович Николаев санаалара, толкуйдара…” ааҕыы таҥыллан, видеоролик оҥоһуллан тахсан көрөөччүлэргэ тахсыбытын кэннэ ” наһаа үчүгэйдик тэрийбиккит. М.Е.Николаев суруйбут кинигэлэрин дэриэбинэбит дьонун аахтаран иһитиннэрбиккитигэр, киэҥ араҥаҕа таһаарбыккытыгар улахан махтал! Михаил Ефимович олоҕун билбэт өрүттэрбитин билиһиннэрдигит,дьон болҕомтотун тартыгыт!” дьон ис санааларын эппиттэрэ улахан сыанабыл буолар.
