Быйыл Хаҥалас улууһун бибилэтиэкэтэ тэриллибитэ 90 үбүлүөйдээх сыла.Бу үбүлүөйдээх сыл чэрчитинэн улуустааҕы бибилэтиэкэ иһинэн үлэлиир “Иһирэх түмсүү”литературнай музыкальнай гостинайга “Күн таммаҕын ыһыспыт дьылҕа”диэн бибилэтиэкэ үлэтин ветерана,”Гражданскай килбиэн”бэлиэ, сэрии сылларын оҕото,Стручкова Мария Мисаиловнаҕа аналлаах тэрээһин буолла.Мария Мисаиловна улуустааҕы бибилэтиэкэҕэ 1967 сылтан пенсияҕа тахсыар диэри оҕо бибилэтиэкэтигэр таһаарыылаахтык үлэлээбитэ. Тэрээһиҥҥэ Покровскайга куорат N1 оскуолатын үөрэнээччилэрэ,Покровскайдааҕы оҕо искусствотын оскуолата кыттыыны ыллылар.Мария Мисаиловнаҕа бииргэ үлэлээбит биир идэлээхтэрэ,ветераннар,ыалдьыттар эҕэрдэлэрин тиэртилэр,дьолу-соргуну,доруобуйаны баҕардылар.
