Муус устар 18 күнүгэр “Хаҥалас” историческай – краеведческай түмсүү чилиэннэрэ көрсүһэн истиҥ кэпсэтии буолла. Кыраайы үөрэтээччилэр сүрүн хайысхабытынан олорор сирбитин-уоппутун араас научнай хайысханан үөрэтии буолар. Бу күн Юлия Ефимовна Дьячкова дириҥ ис хоһоонноох иһитиннэриини оҥордо. Кини барыбыт интэриэһин тардан, элбэх саҥа чахчылары иһитиннэрэн дириҥ хорутуулаах кэпсэтии таҕыста. Юлия Ефимовна 4-үс Республиканскай НПК-ҕа историк Андриан Борисов Россия архыыбыгар үлэлээн сахалар ыраахтааҕыга тиийбиттэрин кэрэһэлиир матырыйаалынан дакылааты оҥорбутун, сөҕө истибитин кэпсээтэ, элбэх интэриэһинэйи билиһиннэрдэ.
Бары сүбэлэһэн биир түмүккэ кэллибит:
– кыраайы үөрэтээччи Гаврил Михайлович Герасимов төрөөбүтэ 90 сааһын көрсө научнай-практическай конференцияҕа кыттыыны ыларга;
– кыраайы үөрэтэр дьон үлэлэрин сурукка хаалларар сыаллаах «Хаҥаластар” диэн историческай кэрэһит таһаарарга. – улууска арыллыбыт бастакы церковнай приходской оскуола сылын чуолкайдаыырга СР национальнай архивын кытта үлэлэһэргэ (Сиинэ оскуолата).
