Бүгүн, кулун тутар 18 күнэ, Крым Арассыыйаны кытта холбоспут үөрүүлээх күнэ бэлиэтэнэр.
“Крым сандал сааһын көрсө” эдэр хоһоонньут Гавриил Адамов “Саханы көмүскүө Аар тойон» диэн хоһоонун таһаарабыт. Билиҥҥи бутуурдаах кэммитигэр дьон-сэргэ санаатын ыһар, бутуйар, өһү-сааһы күөртүүр, ордук ыччакка дьайан араас иһитиннэриилэри харса-хабыра суох күүскэ тарҕатар дьон бааллар. Эдэр ааптар кинилэргэ туһаайан Ийэ дойдуга таптал, чиэс, бэриниилээх буолуу туһунан этэрэ-тыынара дуораннаахтык иһиллэр
Гавриил Адамов
САХАНЫ КӨМҮСКҮӨ ААР ТОЙОН!
Эһиги туох буолан мөккүһэ тураҕыт?
Төрөөбүт дойдугут өҥөтүн умнаҥҥыт.
Эрэлбит тосторо – ол сүрүн баҕаҕыт,
Тиһэххэ үтүөннэн төлөммөт айаҥҥыт!
Төрүккүт силиһин хараҕы симпэккэ,
Хайытан ууннугут тот буолбат арҕааҕа.
Төһө да утарсыҥ, билэбит ээ, бэркэ,
Хотоҥҥо өрбөххүт – Ийэ сир былааҕа…
“Бүтүн сөп өйдөбүл!” – Эрэнэн үҥэҕит,
Албыҥҥа уйдаран турарын билбэккит…
Былааһы, норуоту таҥнарар үлэҕит –
Арыыны ититэр кыната суох киэпкит!
Дойдубут өйдөрүн мунууга көтүтэн,
Өстөөҕу күүһүрдэн, омукпут иҥниэҕэ.
Доргуйар ыччата арахсан көҥүлтэн,
Өркөнүн түмүөҕэ, ууллуо дьар кэһиэҕэ!
Ама дуо үйэҕэ хаалыаҕа быһыыгыт,
Сымыйа тарҕана туруо дии саныыгыт?
Ааҕыҥ бу инники этиини болҕойон –
Саханы хараттан көмүскүө Аар тойон!
Уһукка үүрүллэн, өйдүөҕэ сүрэхпит,
Хотугу өлүүнү да туораан кэлбиппит;
Умнумаҥ, биһиэхэ өбүгэ уоҕа баар…
Холонон ааҕааччы, хотууга туһалаар!
Олоххо убаабат сомоҕо буоллахха,
Кэлиэхпит тумара курдары – саҕахха.
Ойууну олоххо толоро, дьол диэки,
Күлүмнүө дуо сэттэ, ини-бии сибэкки?
Эйэҕэс, көҥүлү сөбүлүүр омукпут,
Иннибит туһугар көннөрү туруохпут,
Элбэтэ уйгуну оҕоҕо! Аан бастаан,
Ийэбит сирдэрин итиитик харыстаан!
Бар дьонум,
Өрүүтүн
Бу сиргэ
Өйдүөхтээх,
Ким, тимир
Кырдьыктаах,
Олоҕор –
Ол тиистээх!
