Улахан Ааҥҥа М. Е. Васильева аатынан 2 Малдьаҕар орто оскуолатыгар төрөөбүт тыл, сурук-бичик күнүгэр аналлаах араас хабааннаах тэрээҺиннэр ыытылыннылар. Ол курдук, 2 уонна 3 кылаас о5олоругар “Дьиктилээх хонуу” оонньуу ыытылынна. О5олор олус интэриэстээхтик уонна көхтөөхтүк оонньоотулар. Ону таҺынан алын сүҺүөх кылаастарга кылаас иҺинэн мүнүүтэ5э ааҕыы күрэҕэ буолбута. 2 кылаастарга саамай элбэх тылы Талбан Афанасьев аа5ан 1-кы миэстэни, Ренат Латышев 2-с миэстэни, Ева Гаврильева 3-с миэстэни ыллылар. 3 кылаастарга 1-кы миэстэни Петрова Вера, 2-с миэстэни Гаврильева Эльмира, 3-с миэстэни Шилова Алеся, Иванова Аня ситистилэр. Онтон 4-с кылаастарга Миша Иванов, Дьурустан Чехордун бастаатылар, Алина Олесова иккис, Даяна Гурьева үҺүс миэстэ буоллулар. КиэҺэ 5-11 кылаастарга ‘Өркөн өй” квест-оонньуу буолла. Оонньуу 8 станцияттан турар. Хамаанда5а 5-тии о5о кытынна . О5олор араас сорудахтары толорон, билбэттэрин билэн, үөрэ-көтө оонньоотулар. Квест-оонньуу түмүгэ: улахан сүҺүөх кылаас о5олоругар 9 кылаастар бастаатылар, 10 кылаастар иккис, 11 кылаастар үҺүс буоллулар. Орто сүҺүөхтэргэ 6 кылаастар бастакы, 7 кылаастар иккис, 5 кылаастар үҺүс буоланнар үөрүү бө5өлөр. Олунньу 14 күнүгэр олохтоох бибилэтиэкэ5э үгэс буолбут “Саха төрүт аҺа-үөлэ” диэн библиокухня тэрээҺин буолла. Сыл аайы бэҺис кылаас о5олоругар саха төрүт аҺын билиҺиннэрэбит уонна алаадьы астыырга, күөрчэх ытыйарга үөрэтэбит. Итини таҺынан тоҥ күөрчэх, саламаат, йогурт уонна да атыны оҥорон көрдөрөөччүбүт. Быйыл “Ситим” түмсүүттэн Марина Николаевна Захарова уонна Римма Александровна Черемкина кэлэн о5олорго күөрчэх ытыйан, алаадьы астаан көрдөрдүлэр. О5олор бу тэрээҺини олус сөбүлүүллэр. Бэйэлэрэ ытыйбыт күөрчэхтэрин, буҺарбыт алаадьыларын сиэн астыналлар. Үгэс быҺыытынан кылааска саамай кыра саастаах о5о күөрчэхтээх ытыгы салыыр чиэскэ түбэҺэр, бу сырыыга Христофоров Эрхааҥҥа түбэстэ. О5олор минньигэс алаадьыны малиналаах күөрчэ5и кытта мотуйан үөрэн-көтөн тар5астылар, махталларын биллэрдилэр.
