Олунньу 14 күнүгэр “Айар” национальнай кыһа үгэскэ кубулуйбут “Айардыын бииргэ. 2024 сыл түмүктэрэ” тэрээһини ыытта.
Бу тэрээһин — кинигэ кыһатын үлэтэ тахсыылаах, ситиһиилээх буоларыгар уонна ааҕааччыны сэҥээрдэр кэрэхсэбиллээх бырайыактары оҥорорго, араас тиэмэлээх кинигэлэри бэчээттииргэ тус кылааттарын киллэрсэр, айымньылаахтык бииргэ үлэлэһэр дьоннорун, тэрилтэлэри бииргэ түмэр, сыралаах үлэлэрин бэлиэтиир үтүө түгэн.
Ааҕыыны көҕүлээһиҥҥэ сүдү институт бибилэтиэкэ буолар. «Айардыын» бииргэ ыкса үлэлэһэр бибилэтиэкэлэртэн бастыҥнарын — «Бастыҥ партнер: ааҕыыны көҕүлээччи» аат Хаҥаластааҕы нэһилиэктэр икки ардыларынааҕы кииннэммит бибилэтиэкэ тиһигэр туттарылынна, дириэктэр Ираида Иннокентьевна Адамова.
