Олунньу 14 күнүгэр,тапталлаахтар уонна кинигэ бэлэхтэһии күнүгэр Бокуруоскай куорат бибилэтиэкэтигэр “Иһирэх түмсүү”литературнай музыкальнай гостинайга дьоро күн буолан ааста.Общественница,”Хаҥыл”сурунаал бырайыак ааптара,айылҕалаах эмчит Лариса Давыдовна Контантинова үбүлүөйүгэр аналлаах интириэһинэй тэрээһин буолла.Лариса Давыдовнаны биһиги салайааччы быһыытынан билэр буоллахпытына бүгүн кинини суруйааччы, эмчит,хомусчут,тойуксут, худуоһунньук,иистэнньэҥ быһыытынан биллибит.”Таҥара кийиитэ” бастакы кинигэтин сүрэхтээтибит.Лариса Давыдовнаны общественность,алгысчыт,Кононова З.А., куораттан норуот эмчиттэрэ,хомусчут импровизатор Юлиана Кривошапкина-Дьүрүйээнэ, бииргэ үөрэммит үөлээннээхтэрэ,чугас дьоно истиҥник,иһирэхтик эҕэрдэлээтилэр,дьолу-соргуну баҕардылар.Лариса Давыдовна кинигэ бэлэхтэһии күнүгэр бастакы кинигэтин ыалдьыттарыгар алгыс тыллары анаан туран бэлэхтээтэ.
