Оҕо саас сылын чэрчитинэн, олохтоох библиотека уонна «Дьиэрэй ырыа» култуура киинэ, Саха Республикатын күнүгэр аналлаах квест-марафон «Өбүгэ суолунан», 5-6-7 кылаас үөрэнээччилэригэр, хамаанданан күрэх ыыттылар. Барыта 5 хамаанда көхтөөхтүк кытыннылар. Хас биирдии хамаандаҕа схема- маршрут туттарыллан, онон ыйыллыбыт станцияларга тиийэн оҕолор сорудахтары толордулар.
1 станция «Хомуур күрэх», салайааччы Ньургун Тимофеевич Давыдов. Манна оҕолор бириэмэҕэ кубиктары хомуйан, түргэн туттуулаахтарын көрдөрдүлэр.
2 станция «Ырыаны таайыы», салайааччы Ирина Никифоровна Давыдова . Бу күрэххэ оҕолор бириэмэҕэ ырыа тылын хомуйан сааһылаатылар.
3 станция «Кистэлэҥнээх сундуук», салайааччы Татьяна Геннадиевна Ефремова. Манна оҕолор сундуук иһигэр туох баарын, ыйытыкка эппиэттээн таайдылар.
4 станция «.Хаҥалас улууһун историята», салайааччы Анисия Алексеевна Дьяконова. Бу станцияҕа оҕолор төһө улуустарын историятын билэллэрин тургутан көрдүлэр, ыйытыктарга эппиэттээтилэр.
5 станция «Саха төрүт аһа», салайааччы Раиса Семеновна Жиркова. Манна оҕолор бириэмэҕэ күөрчэх ытыйан куоталастылар.
6 станция «Остуол оонньуута», салайааччы Октябрина Владимировна Данчинова. Бу
станцияҕа оҕолор кумааҕынан оҥоһуллубут тустууктары үрэн, ким киһитэ кыайарынан очко суруннулар.
Дьүллүүр сүбэ түмүгүнэн 1 миэстэни «Дружба» хамаанда, 5 кылаас үөрэнээччилэрэ ыллылар уонна 2000 солкуобайдаах «Кыталык» маҕаһыын сертификатынан наҕараадаланнылар. 2 миэстэни «Хотой» хамаанда, 7 кылаас үөрэнээччилэрэ ыллылар уонна 1500 солкуобайдаах сертификат туттарылынна. 3 миэстэни «Ураанхай» хамаанда, 6 кылаас үөрэнээччилэрэ буоллулар уонна 1000 солкуобайдаах сертификат туттарылынна. Хаалбыт икки хамаандаларга өйдөбүнньүк бэлэхтэр туттарылыннылар. Түмүгэр оҕолорго ытыйбыт күөрчэхтэрин лэппиэскини кытары күндүлээтибит. Оҕолор астынан, тото-хана аһаан дьиэлэригэр тарҕастылар. Маннык тэрээһиннэр оҕолор билиилэрин хаҥаталлар, хамаанданан үлэлии үөрэнэллэр, дьоҕурдарын сайыннараллар.
Улахан махталбытын тириэрдэбит кылаас салайааччыларыгар күүс -көмө буолбуттарыгар.
Анисия Дьяонова, олохтоох библиотека салайааччыта.
