Открывая книгу, открываешь мир!

  • Пн-Сб: с 10:00 до 19:00
  • Перерыв с 13:00 до 14:00
  • Выходной: воскресенье

МБУК «ХАНГАЛАССКАЯ МЦБС»

Муниципальное бюджетное учреждение культуры
«Хангаласская межпоселенческая централизованная библиотечная система»
муниципального района «Хангаласский улус» РС (Якутия)

Хоһоонньуттар дэгиттэр талааннара сөхтөрдө

Кулун тутар 7 күнүгэр Дьокуускайга  Илья Афанасьев-Алмаас салайааччылаах «Иэйии» өрөспүүбүлүкэтээҕи литературнай түмсүү көҕүлээһининэн “Сандал саас кэрэтэ” хоһоонньуттар түһүлгэлэрин дьоро күнэ ыытылынна.

       Бу күн “Хааһахха хаайтарбат талааннар” диэн түмсүүлэр икки ардыларыгар күрэхтэһии хас да түһүмэҕинэн ыытылынна. Түмсүүлэр бэйэлэрин билиһиннэрдилэр, эҕэрдэ нүөмэрдэрин көрдөрдүлэр, сэлээппэ муодата,  саас тиэмэтигэр тута хоһоон хоһуйуу, түмсүү талааннаах дьонун оҥоһуктарынан быыстапка тардылынна, ырыа-тойук дьиэрэйдэ.

Дьоро күҥҥэ Уус Алдантан Галина Аммосова салайааччылаах “Уһуктуу”, Тааттаттан Александра Жулева-Суһума салайааччылаах “Иэйии”, Ньурбаттан Дмитрий Пономарев салайааччылаах “Ньурба уоттара”, Дьокуускайтан Александра Стручкова-Сулустаана салайааччылаах “Сахалыы тыынынан”, Хаҥаластан Людмила Колесова салайааччылаах “Өлүөнэ долгуннара”, Дьокуускайтан Парасковья Стручкова-Саһарҕа салайааччылаах “Хоһоон хонуута”, Өктөмтөн СӨ суруйааччыларын, РФ суруналыыстарын сойуустарын чилиэнэ, Николай Егоров-Ньукулай Түөлбээкэп салайааччылаах “Үнүгэс”, Дьокуускайтан Евдокия Уварова-Чуохаана салайааччылаах “Дайар дорҕооннор” түмсүү, Дьокуускайтан Диана Сутакова салайааччылаах “Ай-Арт” алгыстаах куттаах”, Илья Афанасьев-Алмаас салайааччылаах өрөспүүбүлүкэтээҕи “Иэйии” литературнай түмсүүлэр айар-суруйар дьонноро дьоҕурдарын көрдөрө, иэйиилэрин үллэстэ, итии чэйдээх сандалы тула олорон билсэ, санаа атастаһа. Талааннаах дьон барытыгар талааннаахтар.

Күрэх түмүгүнэн улуустааҕы  библиотека иһинэн үлэлиир  “Өлүөнэ долгуннара” айар түмсүүгэ “Сатабыллаах түмсүү” анал аат ыланнар үөрэн көтөн кэллилэр. Тэрээһини илэн-саҕалаан көхтөөхтүк ыытта Ющенко Анастасия- Алгыстаана, “Өлүөнэ долгуннарын” чилиэнэ.

Добавить комментарий

Ваш адрес email не будет опубликован. Обязательные поля помечены *