Открывая книгу, открываешь мир!

  • Пн-Сб: с 10:00 до 19:00
  • Перерыв с 13:00 до 14:00
  • Выходной: воскресенье

МБУК «ХАНГАЛАССКАЯ МЦБС»

Муниципальное бюджетное учреждение культуры
«Хангаласская межпоселенческая централизованная библиотечная система»
муниципального района «Хангаласский улус» РС (Якутия)

Чкаловка саха тылын инники кэскилин ырыттылар

Чкалов сэл. култуура уонна успуорт киинигэр Россияҕа Дьиэ кэргэн, Саха сиригэр Оҕо сыла уонна Ийэ тыл, сурук-бичик күнүгэр аналлаах «Саха тылын инники кэскилэ» диэн төрөппүт кэмпириэнсийэтэ үрдүк таһаарыылаахтык буолан ааста. Кэмпириэнсийэни олохтоох библиотека көҕүлээһининэн оскуола уонна оҕо уһуйаана төрөппүт кыттыылаах ыытылынна. Кэнники кэмҥэ оҕолорбут кыра саастарыттан төрөөбүт тылларынан саҥарбат буолан эрэллэрэ барыбытын дьиксиннэрэр. Бүгүҥҥү кэмпириэнсийэҕэ бу сытыы турар боппуруос тула кэпсэтии буолла. Дакылааттааччылар бэлэмнэнэн кэлбиттэр, талбыт темаларын олус үчүгэйдик арыйдылар: Самсонова Т.П. «Саха тылын билиҥҥи туруга», Олесова Н.Г. «Оонньуу нөҥүө оҕо төрөөбүт тылынан саҥарар саҥатын сайыннарыы», Старостина М.И. «Пропаганда сабыдыалыгар ийэ тылбыт оруола», Архипова Р.Е. «Саха киһитин айылҕаттан ылбыт өйө, санаата, сатабыла», Лукина С.П. «Оҕону сахалыы тыыҥҥа иитии», Степанова Р.С. «Саха тылын инники кэскилэ». Санаа атастаһыылаах, истиҥ кэпсэтиилээх тэрээһин буолла. Киһи үөрэрэ эдэр ийэлэр кытыннылар уонна кэлэн иһиттилэр. Онон инникибит кэскиллээх диэн эрэнэбит. Олус туһалаах кэмпириэнсийэ буолла.
Төрөппүт кэмпириэнсийэтигэр кыттыбыт дьоннорбутугар туоһу суруктары туттардыбыт уонна барҕа махтанабыт.
Кэмпириэнсийэ кэннэ кулууп үлэһиттэрэ дьыктаан суруттардылар, мүнүүтэҕэ аахтардылар.
Тыл диэн-норуот үйэттэн үйэҕэ, уонунан сүүс сыл устата урукку дьыллар уорҕаларыттан, ааспыт дьыллар арҕастарыттан мэҥэ өйдөбүл гынан илдьэ кэлбит, туохха да тэҥнэммэт, сүппэт сүдү баайбыт буоларын умнумуоххарын.
Чкаловтааҕы библиотека кыл.библиотекара Степанова Р.С.

Добавить комментарий

Ваш адрес email не будет опубликован. Обязательные поля помечены *