Открывая книгу, открываешь мир!

  • Пн-Сб: с 10:00 до 19:00
  • Перерыв с 13:00 до 14:00
  • Выходной: воскресенье

МБУК «ХАНГАЛАССКАЯ МЦБС»

Муниципальное бюджетное учреждение культуры
«Хангаласская межпоселенческая централизованная библиотечная система»
муниципального района «Хангаласский улус» РС (Якутия)

1-Дьөппөн Тиит-Эбэ нэһилиэккэ

Ыам ыйын 20күнүгэр , биир дойдулаахтарбыт Түмэл дьиэҕэ «Сайын саҕаланар Түмэл дьиэттэн тэрээһиҥҥэ ыалдыттаан аастылар.

Бу тэрээһиммит хардыыта: Сайыны уруйдуур эҕэрдэлэр.

Салама ыйааһынын, мунньуллубут кири-хаҕы бэйэттэн ыраастаныы, үрэхпитин күндүлээһин сиэрин туомун толоруу туһунан сиһилии билиһиннэрдэ Т.Е.Сивцева — Сайнаара,

«Дьиэ кэргэн күндү малын бэлэх уунабын» акцияҕа кыттыспыт дьоммут малларынан быыстапкатын Скрябина Алевтина Петровна- Бэтэрээннэр сэбиэттэрин салайааччыта олус үчүгэйдик, сиһилии кэпсээнэ дьону- сэргэни сэргэхситтэ. Бу бэлэхтэммит маллар кимнээххтэн кэлбитэ, хантан булуллубутай дуу, хас сыллаахха атыылаһыллыбытай, бэлэхтэммитэй дуу диэн. Манна сүрдээх сэдэх уонна былыргы оҥоһуктар кэлбиттэрэ сөхтөрөр.

Атыы эргиэн дьаарбаҥката (сэлиэнньэбит минньигэс торт оҥорооччуларын оҥоһуктара,сахалыы астар, рассадалар атыыланнылар

Сахалыы хаамыскаҕа уонна хабылыкка оонньооһуҥҥа күрэхтэри ыытта Федотов Иван Егорович. Дьон олус көхтөөхтүк кыттан, бириис бөҕө тутан үөрүүлэрэ үксээтэ. Иван Егорович түгэни мүччү туппакка кыайыылаахтары нэһилиэк хамаандатыгар сурунна.

Сахалыы таҥас быһыытыгар выкройка оҥорууга маастар кылаас ыытта- Мария Васильевна Филиппова- Скрябин П.С. аатынан орто оскуола технологияҕа үөрэтэр учуутал.
Мария Васильевна биһиги нэһилиэккэ маастар- иистэнньэҥинэн биллэр, ону таһынан оскуола оҕолорун Мода театрыгар уһуйар. Кини уһуйаанын оҕолоро элбэх күрэхтэргэ кыттан бочуоттаах миэстэлэргэ тиксэллэр.

Күндү биир дойдулаахтарыгар анаан быйылгы байанай мичик гыммыт , сэлиэнньэбит эр хоһууттара бэлэх ууммут, арыылаах алаадьылаах, кус миинин эдэр уолаттарбыт буһаран күндүлээтилэр. Наһаа минньигэс миин, эмис кус этин сиэн эркин буолар эр хоһууттарбытыгар махтал тылларын тиэрдэбит.

Төгүрүччү олорон «Олох эргиирэ» диэн киһи олоххо көрүүтүн уларытар, толкуйдатар оонньуу ыытылынна. Оонньообут дьон астыммыттарын, сэҥээрбиттэрин биллэрэн махтаннылар, өссө да оонньуу ыытылларын баҕардылар.

Добавить комментарий

Ваш адрес email не будет опубликован. Обязательные поля помечены *